Apwyntiadau meddyg teulu

Efallai y byddwch yn gweld neges yn adran apwyntiadau meddyg teulu yn yr Ap yn dweud nad yw eich archeb apwyntiad meddyg teulu ar gael. Mae hyn oherwydd nad yw eich practis wedi ei wneud ar gael yn yr Ap. Bydd angen i chi gysylltu â'ch practis i drefnu apwyntiad.

Rheoli apwyntiadau

Gallwch fewngofnodi i Ap GIG Cymru neu'r wefan i drefnu a rheoli’ch apwyntiadau meddyg teulu.

Canslo apwyntiadau

I ganslo apwyntiad presennol, dewiswch Canslo'r apwyntiad hwn a dewiswch reswm. Yna gallwch ganslo'r apwyntiad a bydd yn cael ei dynnu odd ar yr Ap.

Gwneud apwyntiadau

Os yw eich practis wedi gwneud archebu apwyntiadau ar gael yn yr adran archebu apwyntiad:

1. Ewch i Apwyntiadau.
2. Dewiswch Apwyntiadau Meddyg Teulu.
3. Dewiswch Trefnu Apwyntiad. Os gwelwch neges yn dweud nad oes apwyntiadau ar gael i'w trefnu neu os nad yw eich apwyntiad ar gael, naill ai nid yw eich practis yn cynnig trefnu apwyntiadau yn yr Ap neu mae'r holl apwyntiadau wedi cael eu trefnu.
4. Dewiswch Pa fath o apwyntiad sydd ei angen arnaf?
5. Dewiswch Lleoliad.
6. Dewiswch aelod y practis (dewisol).
7. Yn adran Apwyntiadau sydd ar gael dewiswch y dyddiad a'r amser y mae eu heisiau arnoch.
8. Rhowch reswm dros yr apwyntiad hwn (gorfodol, dewisol neu efallai na ofynnir amdano).

Efallai y bydd eich practis yn cynnig apwyntiadau penodol yn unig i'w trefnu drwy'r Ap, fel apwyntiadau arferol, ac efallai y byddant ond yn rhyddhau nifer penodol o apwyntiadau yn yr Ap.

Os oes angen help arnoch o hyd i ddewis yr apwyntiad cywir, neu os oes angen apwyntiad mwy brys arnoch, cysylltwch â'ch practis yn uniongyrchol.