Efallai y byddwch chi’n gallu gweld eich atgyfeiriadau rhestr aros yn Ap GIG Cymru. Dilynwch y cyfarwyddiadau yn yr Ap yn ofalus, oherwydd yn dibynnu ar y bwrdd iechyd, efallai y byddwch yn dal i dderbyn llythyr apwyntiad.
Ffyrdd i weld eich atgyfeiriadau rhestr aros
Naill ai:
Os oes gennych hysbysiadau dyfais wedi'u troi ymlaen, fe gewch hysbysiad yn dweud bod gennych neges newydd. Dewiswch yr hysbysiad i agor yr Ap, a mewngofnodwch. Byddwch chi'n mynd yn syth i'r neges newydd. Gallwch ddarllen y neges a dewis y ddolen a fydd yn mynd â chi i'ch atgyfeiriad yn Llinell Amser Iechyd Ap GIG Cymru. Ni chewch wybod os ydych chi'n defnyddio Ap GIG Cymru ar borwr gwe.
Neu:
Dewiswch Gweld fy negeseuon heb eu darllen a fydd yn mynd â chi at yr holl negeseuon heb eu darllen. Mae cylch coch ar y sgrin hafan yn golygu bod yna neges newydd. Bydd hyn yn dweud eich bod wedi cael eich ychwanegu at restr aros.
Neu:
Dewiswch Fy amserlen iechyd o'r dudalen hafan, yna dewiswch Fy iechyd a Fy amserlen iechyd. Gallwch hidlo ar gyfer atgyfeiriadau rhestr aros.
Bydd yr atgyfeiriad rhestr aros yn dangos:
Rhif y GIG
Ymunwyd â'r rhestr ar
Arbenigedd
Disgrifiad
Gallai hyn gael ei ddangos yn wahanol, yn dibynnu ar ba fwrdd iechyd y mae'r atgyfeiriad rhestr aros gydag ef.
Os ydych chi am ddiwygio neu ganslo atgyfeiriad rhestr aros, dilynwch y cyfarwyddiadau yn nigwyddiad amserlen iechyd yr ysbyty.