Fy Nghofnod Iechyd

Mae Fy Nghofnod Iechyd yn eich galluogi i greu cofnod personol ysgrifenedig eich hun yn Ap GIG Cymru. Gallwch ysgrifennu unrhyw wybodaeth amdanoch chi'ch hun a'ch iechyd, hyd at 4,000 o nodau i gyd. Mae’r wybodaeth hon yn cael ei storio’n ddiogel yn Ap GIG Cymru a dim ond chi sydd â mynediad iddi. Nid yw'r wybodaeth a ddarperir gennych yn y cofnod yn cael ei hanfon at eich Practis Meddyg Teulu na gweithwyr iechyd a gofal proffesiynol eraill.

Cyrchu Fy Nghofnod Iechyd a chreu cofnod

• Ewch i Fy iechyd.
• Dewiswch Fy nghofnod iechyd.
• Dewiswch Ychwanegu cofnod newydd.
• Rhowch deitl ar gyfer eich cofnod. (Dylai hyn fod yn ystyrlon i gynorthwyo'r chwilio. Er enghraifft, “Nodyn atgoffa i archebu prawf diabetes” yn hytrach na dim ond “Nodyn atgoffa”)
• Rhowch Ddyddiad ar gyfer y digwyddiad.
• Rhowch Amser ar gyfer y digwyddiad (fformat 24 awr – er enghraifft 22:00 ar gyfer 10pm).
• Defnyddiwch y blwch Disgrifiad i lunio eich cofnod.
• Dewiswch Cyflwyno i gadw eich cofnod yn y cyfnodolyn.
• Byddwch yn gweld cadarnhad bod eich cofnod wedi'i ychwanegu.
• Dewiswch Ewch i fy nghofnod i weld eich cofnodion ar Fy Llinell Amser Iechyd.

Noder: Ni ellir golygu cofnodion ar ôl eu cyflwyno.

Cyflwynir Fy Nghofnod Iechyd fel testun glân. Ni allwch fewnosod delwedd nac eitemau eraill nad ydynt yn destun. Os byddwch yn mewnosod dolen, bydd yn ymddangos fel testun ac ni fydd yn gweithredu fel hyperddolen. 

Gellir copïo testun o ffynonellau eraill i'r cyfnodolyn, yn amodol ar allu eich dyfais. Nid ydym yn gyfrifol am gywirdeb nac ansawdd y cynnwys a gopïwyd o ffynonellau allanol.

Defnydd enghreifftiol o Fy Nghofnod Iechyd

• Gwneud nodiadau pan fydd gennych apwyntiad meddyg teulu neu apwyntiad iechyd a gofal arall.
• Creu cofnodion personol i olrhain a monitro eich iechyd a’ch llesiant. Er enghraifft: creu cofnod sy'n cynnwys dyddiad, amser a difrifoldeb poen llid y cymalau yn gwaethygu.
• Nodwch ddyddiad yn y dyfodol i'ch atgoffa'ch hun. Er enghraifft, ychwanegwch gofnod ar gyfer chwe mis yn y dyfodol ynghylch archebu profion gwaed fel y byddwch yn ei weld yn Fy Llinell Amser Iechyd i'ch atgoffa.

Defnyddio Fy Llinell Amser Iechyd i chwilio am gofnodion

Gellir defnyddio Fy llinell amser iechyd i chwilio am gofnodion o’r gorffennol ac yn y dyfodol – gweler tudalen gymorth Fy Llinell Amser Iechyd i gael rhagor o wybodaeth.

Trwy Fy Llinell Amser Iechyd, gallwch hefyd chwilio teitlau cofnodion yn ôl allweddair. Wrth lunio’ch cofnodion, efallai y byddwch wedyn yn ystyried pa eiriau neu ymadroddion fyddai fwyaf addas ar gyfer chwilio yn y dyfodol. Nid yw Fy Llinell Amser Iechyd yn caniatáu ichi chwilio am eiriau neu ymadroddion mewn disgrifiad o gofnod, felly bydd creu teitlau disgrifiadol a manwl o gofnodion yn fwy buddiol wrth chwilio.

Dileu cofnod yn Fy Nghofnod Iechyd

• Dewch o hyd i gofnod yn Fy Llinell Amser Iechyd.
• Dewiswch y cofnod rydych chi am ei ddileu.
• Dewiswch Dileu cofnod personol.
• Dewiswch Ydw ac yna Cyflwyno i gadarnhau eich bod am ddileu’r cofnod.
• Fe welwch sgrin sy’n cadarnhau bod eich cofnod wedi’i ddileu.

Noder: Mae dileu cofnod personol yn barhaol ac ni ellir ei ddadwneud.